Ուսումնասիրության նյութեր՝
-ԱՄՆ նախագահ Բայդենը ճանաչեց Հայոց ցեղասպանությունը
-ՀՀ վարչապետ Ն․ Փաշինյանի նամակը ԱՄՆ նախագահ Բայդենին
-Քաղաքագետ Կարեն Հովհաննիսյանի գրառումը
-Թուրքագետ Ռուբեն Սաֆրաստյանի կարծիքը
Առաջին հայացքից այս ամենը թվում է Ամերիկայի կողմից սխալ քայլ, իբրև դաշնակից երկրի հետ հարաբերությունների վատթարացում, բայց ուշադիր ընթերցելուց հետո հասկացա, որ Բայդենի ուղերձը ամենևին էլ չէր դատապարտում Թուրքիայի կատարած ոճրագործությունը։
«Մենք տեսնում ենք այդ ցավը: Մենք հաստատում ենք պատմությունը: Մենք դա անում ենք ոչ թե մեղադրելու, այլ ապահովելու համար, որ կատարվածն այլևս չկրկնվի»։
Ուղերձում չի նշվում, որ հայերի դեմ իրականացվել են կոտորածներ իրենց պատմական բնորանում, չի նշվում նաև հստակ թե ում կողմից է կատարվել այդ։ Այս ուղերձով Բայդենն ուզում էր նաև ասել, որ եկեք Թուրքիայի կատարած ոճրագործությունները ներեք, և մենք այլևս թույլ չենք տա որ կրկնվի։
«Այսօր, երբ մենք ողբում ենք մեր կորուստները, եկեք մեր հայացքը հառենք ապագային և պատկերացնենք այն աշխարհը, որն ուզում ենք ստեղծել մեր երեխաների համար »։
Եթե այս տեքստը կարդար մի մարդ ով չգիտի թե ինչի մասին է խոսքը գնում, երևի թե չհաանար թե հայերը ո՞ւմ կողմից են բնաջնվել, ո՞ր տարածքներում, ի՞նչ պատճառներով։ Սա փոքրիկ քայլ էր ԱՄՆ նախագահի կողմից, որը ստիպեց Հայաստանի հայերին մի փոքր շեղվել հայ ռուսական լավ հարաբերություններից, և դրանից զատ ԱՄՆ-ում ապրող բազմահազար հայերի աջակցությունը ստանալու լավ տարբերակ էր։ Միգուցե նրա այս քայլը էական ոչ մի փոփոխություն չի տա մեզ՝ հայերիս, բայց սա ինչ-որ չափով ապտակ էր Թուրքիային, վերջերս իր արած սխալ քայլերի համար։
Էլլադա Բաբայան 